சோழ வழ நாடான தஞ்சை மாவட்டத்தில் இருக்கும் ஓர் அழகான கிராமம் தான் பூங்குளம். ஒரு சின்ன ஆறு பாய்கிறது. ரெண்டு பெரிய வாய்க்கால்கள் ஓடுகின்றன. ஊரை சுற்றிலும் தென்னந்தோப்புகள், வாழை தோட்டங்கள், பச்சை பசே என்று இருக்கும் வயல்கள். ஊரில் இருக்கும் ஆண் பெண்களுக்கும் வயல் வேலை தான். உத்தியோகம் என்பது கிடையாது. காலையில் பழ சோறு. மதியத்துக்கும் ஏதோ சோறு. இரவு தான் சமையல். வாரத்தில் மூனு நாட்களில் மீன் கொழம்பு உண்டு. காய் கறிகள் தோட்டத்தில் இருந்து பறித்தும் கொள்ளுவார்கள். ஆண்கள் பெரிய வேலைகளையும், பெண்கள் நாத்து நடுதல், களை எடுத்தல், தோட்டம் சுத்தம் செய்வது, களம் பெருக்குவது, போன்ற வேளைகளில் ஈடுபட்டு கொண்டு இருப்பார்கள்.
இயற்கையான உணவு வகைகள், சுத்தமான காற்று, மாசில்லா சூழ்நிலை கடும் உடல் உழைப்பு. இவைகளால் அவர்கள் மனமும் உடலும் நன்றாகவே இருக்கும்.