கல்யாணம் முடிந்து நாங்கள் தேனிலவுக்குப் போய்விட்டு ஊருக்குத் திரும்பிய போது முழுசாக ரெண்டுவாரம் ஓடியிருந்தது. வீட்டுக்கு வந்ததும் வராததுமாக அப்பா சொன்னார், டேய் நீ உடனே உன் பொண்டாடியோட உன் மாமனார் வீட்டுக்குப் போகணும்..அங்கே உன் மாமனாருக்கு உடம்பு சரிஎல்லேன்னு செய்தி வந்தது..கெளம்புங்க சீக்கிரம் என்றார். பதறியடித்துக் கொண்டு நாங்கள் ஊருக்குப் பயணமானோம். என் மனைவின் ஊர் ஒரு கிராமமும் இல்லாத நகரமும் இல்லாத ரெண்டான்கெட்ட ஊர். கோயமுத்தூரிலிருந்து டவுன் பஸ் பிடித்துப் போய் சேரும் போது ராத்திரி ஆகிவிட்டது. நல்லவேளை நாங்கள் பயந்ததுபோல் மாமனாருக்கு அப்படி ஒன்றும் ஆபத்தில்லை.. மனுஷன் மோடோர்பைக்கில் போகும்போது திடீரென்று குறுக்கே ஒரு மாடு பாய, பேலன்ஸ் தவறி அவர் கீழே விழுந்து விட்டார்..ஹெல்மெட் போட்டிருந்ததால் தலையில் அடியில்லை..காலில் மட்டும் கொஞ்சம் பலமான அடி..புத்தூர் கட்டுபோட்டு தொங்க விட்டிருந்தார்கள். மற்றபடி நன்றாகவே இருந்தார்.