பெங்களூர்ல ஒரு ஐடி கம்பெனியில் ஆர்வத்தோடு வேலைக்கு சேர்ந்தேன். முதல் 3 வருடங்கள், புது வேலையும் பெங்களூர் சொகுசு வாழ்க்கையும் சுகமாக தெரிந்ததால் வேலையின் சுமை தெரியவில்லை. ஆனால் போகப் போக வேலை நேரமும், மன அழுத்தமும் அதிகரிக்க என்ன பொழைப்புடா இது என்று ஆகிவிட்டது. அந்த வயசுல வொர்க் லோட்யை விட அலுவலகத்தில் ஒருவனை ஒருவன் போட்டுக் கொடுத்து, பாலிடிக்ஸ் செய்து முன்னேறுவதை பார்த்த போது இதுக்கு நம்மூர் சாக்கடை அரசியலே மேல் என்பது போல் தோன்றியது. எல்லாவித மாமா வேலைகளையும் நடக்கும் கூடாரமாக ஐடி கம்பெனி மாறிய பிறகு தான் என் மனநிலையும் மாறியது. இனி இங்கே நாம் வாழ முடியாது என்று தோன்றியது.