கங்கா ஜமுனா ரெட்டைப் பொண்ணுங்க. அதுல கங்கா ஜமுனாவைவிட அஞ்சு நிமிசம் முன்னால பொறந்தா. ஆக அவளை அக்கான்னுதான் சொல்லுவாங்க. ஆனா பார்த்தா ரெண்டு பேரும் ஒரே மாதிரி இருப்பாங்க.
அவுங்களப் பெத்தவங்களே சில சமயத்தில அவங்களை அடையாளம் காண முடியாம திணறுவாங்க. அது போலவே அவுங்க ரெண்டு பேருக்கும் மனசு எப்போதும் எல்லா விசயத்திலையும் ஒத்துப் போகும். ரெண்டு பேரும் கலரு கருப்பா இருந்தாலும் நல்ல அழகு. முகத்தில வசீகரம். சிரிச்சுச் சிரிச்சுப் பேசற குணம். ஆக அவுங்க அந்தக் குடும்புத்துல எல்லோருக்கும் பிடிச்சுப் போச்சு.வயசு பதிமூணுல ஒம்பதாவது படிச்சப்பொ ரெண்டு பேரும் ஒரே சமயத்தில சமஞ்சுட்டாங்க. அந்த ஆனந்தத்தில அப்பனும் ஆத்தாகாரியும் ஊரைக் கூட்டி விருந்து வெச்சுக் கொண்டாடினாங்க.