டிசம்பர் பிறந்துவிட்டாலே எங்கள் வீட்டில் கொண்டாட்டம் தான். அப்பா ஒரு கிறிஸ்தவ சபை நடத்தி வந்தார். ஊர் தோறும் சென்று ஊழியம் செய்வது தான் அப்பாவின் பணி. ஊரில் இருந்தால் எங்கள் வீட்டு மாடியில் தான் பிரார்த்தனை கூட்டங்கள் மற்றும் ஊழியம் செய்ய வருவோர்க்கான பயிற்சி கூட்டங்களும், ஆலோசனைகளும் நடக்கும். அப்பாவுக்கு துணையாக அத்தையும் கூட இருந்தார். வீட்டில் நான் அப்பா, அத்தை மட்டும் தான். அம்மா நான் சிறுமியாக இருந்த போதே இறந்து விட்டார்.