எனக்கு விழிப்பு வந்த போது கார் சென்னை நெடுஞ்சாலையில் விழுப்புரத்தை நெருங்கி இருந்தது. அப்பா காரை ஒட்டிக்கொண்டு இருந்தார். அம்மா அவருக்கு அருகில் நல்ல தூக்கத்தில் இருந்தாள். நான் பின் சீட்டில் அமர்ந்திருக்க எனது மடியில் எனது தங்கை தூங்கி கொண்டிருந்தாள். நாங்கள் வசிப்பது சென்னை அண்ணா நகரில். அப்பாவிற்கு ஸ்டேட் பாங்கில் உத்தியோகம். அம்மா பிரைவேட் கம்பெனியில் கிளர்க்காக இருக்கிறாள். நான், அசோக், பி.எஸ்.சி. பைனல் இயர். தங்கை நித்யா ப்ளஸ் டூ. எங்களுக்கு அரையாண்டு விடுமுறை. அப்பாவின் சொந்த ஊர் திருவிழாவிற்கு சென்று ஒரு வாரம் தங்கிவிட்டு, இப்போது சென்னை நோக்கி பயணம்.