சுதா அக்கா தினமும் துணி மூட்டைகளை எடுத்துக் கொண்டு ஆற்றில் குளிக்க உச்சி வெயிலில் தான் கிளம்புவாள். குளிக்க போனால் மதியம் வெயில் இறங்கி பிறகு தான் வீடு திரும்புவாள். காலையில் பரபரப்பாக வியர்வை குளியலோடு வீட்டு வேலைகளை முடித்து, காலை மதிய சமையலை முடித்து பிள்ளை, புருஷனை பள்ளி, வேலைக்கு சாப்பாடு கட்டி அனுப்பி விட்டு சாவகாசமாகத்தான் குளிக்க ஆற்றுக்கு வருவாள். அதே போல் பொறுமையாக துணிகளை நன்றாக ஆற்றில் நனைத்து, சோப் போட்டு, கல்லில் அடி அடியென அடித்து துவைத்து, சுளீர் என சுடும் வட்டப்பாறையில் துணிகளை காயப்போட்டு விட்டு, உடம்பு சூடு இறங்க ஆற்றில் தலை முங்க குளித்து முடித்து விட்டு தான் கரையேறி வெயில் இறங்க வீடு திரும்புவாள்.