பூஜை பொருட்களோடு இரண்டு தட்டுகளில் மஞ்சள் நிற துணிகளையும்
கொண்டுவந்தார். மீண்டும் சூடம் ஏற்றி எங்கள் முகத்தின் முன் சில முறை
சுற்றி காலடியில் போட்டுவிட்டு, ஸ்லோகத்தை சத்தமாய் சொன்னபடி தட்டிலிருந்த
சில மாவு உருண்டைகளை எங்கள் தலையை பல முறை சுற்றி எரிந்தார்.பின்
கிணற்றிலிருந்து தண்ணீரை இரைத்து இரைத்து தன் தலையில் ஊற்றிகொண்டவர்,
கொண்டுவந்த துணி தட்டை ஒருமுறை வணங்கி அதிலிருந்த ஒரு வேட்டியை
எடுத்துகொண்டு நான்கடி தள்ளிபோய் திரும்பி நின்றபடி உடை மாற்றினார். ஈர
வேட்டியை முதலில் உறுவி விட்டு பின் புதியதை எடுத்து கட்ட அந்த சில வினாடி
முழு அம்மணமாய் நிற்க, அவரின் சிவந்த புட்டங்களும் தொடைகளும் இருட்டிலும்
தௌ¤வாய் தெறிந்தது.